Gyan Pone

Media, Entertainment and News Website

International News, News

မယားကိုသစ်​ပင်​မှာတွဲလောင်​ချည်​ပြီးတော့ ယောကျာ်းနဲ့ အဖော် တစ်ဦး က ရက်စက်ခဲ့တဲ့ အမှု

ထိုင်းနိုင်ငံအရှေ့မြောက်ပိုင်း နောင်ဘိုလမ်းဖူးခရိုင်ထဲမှာ ခင်ပွန်းဖြစ်သူက ဇနီးကို လက်နှစ်ဖက်ကြိုးတုပ် သစ်ပင်မှာ တွဲလွဲချည်ပြီး မီးခိုးငွေ့တွေနဲ့ မှိုင်းတိုက်ခဲ့တဲ့ ဖြစ်ရပ်တခု ဖြစ်ပွားခဲ့ပါတယ်။

အဲဒီဖြစ်ရပ်နဲ့ပတ်သက်တဲ့ ပို့စ်တစ်ခုကို Ai Aum ဆိုတဲ့ ဖေ့စ်ဘွတ်ခ်အကောင့်နဲ့ မေ ၂၄ ရက် နေ့စွဲနဲ့ တင်ထားပြီး မိန်းကလေးမှာ သူနဲ့ ဆွေမျိုးတော်စပ်တယ်၊ ဘာကြောင့်မှန်းမသိဘဲ ခင်ပွန်းဖြစ်သူက သူမကို လက်ပြန်ကြိုးတုပ် ဒရွတ်တိုက်ဆွဲကာ အဲဒီသစ်ပင်နားမှာ လက်ပြန်ကြိုးတုပ်ပြီး ၄ နာရီကြာ တွဲလွဲချည်ထားတယ်၊

ဘေးနားမှာလည်း ကောက်ရိုးတွေနဲ့ မီးဖိုထားပြီး မီးခိုးမှိုင်းတိုက်ခဲ့တယ်၊ သူ့ယောကျာ်းနဲ့ အဖော်အမျိုးသားတဦး ဘေးကနေ အရက်ထိုင်သောက်ပြီး သူမဒုက္ခကို ထိုင်ကြည့်နေတယ်၊ ကြည့်ရတာ မိန်းကလေးကို မီးရှို့သတ်ဖို့ ဒါမှမဟုတ် သူမအသားကိုလှီးပြီး မီးကင်ဖို့လုပ်နေပေမယ့် ကံကောင်းစွာပဲ အရပ်ထဲကလူတွေ တွေ့ပြီး မိန်းကလေးကို ကယ်တင်ခဲ့တယ်လို့ ရေးသားထားပါတယ်။

ဒီအကြောင်း လူမှုကွန်ရက်မှာ ပြန့်သွားပြီးတဲ့နောက် သတင်းထောက်တွေက ဆက်သွယ်မေးမြန်းရာမှာ ဒီဖြစ်ရပ်ဟာ ဒီနေ့မနက်က နောင်ဘိုလမ်းဖူးခရိုင် နာ့က်လန်မြို့ ဆန်ဆိုင်းဥဒုမ်းကျေးရွာမှာ ဖြစ်ခဲ့ပြီး မိန်းကလေးကို ညှဉ်းပန်းနှိပ်စက်သူ လူရွယ်မှာ နိုင်းတက် ဆိုသူဖြစ်ပြီး ရဲတွေလာဖမ်းသွားပြီလို့ မိန်းကလေးရဲ့ ဆွေမျိုးက သတင်းထောက်တွေကို ပြောပါတယ်။

လူရွယ်က သူတို့လင်မယား စကားများပြီး မိန်းမက သူ့ကို အရင်လုပ်လို့ သူက ခုလိုပြန်လုပ်တာဖြစ်ကြောင်း၊ အွန်လိုင်းမှာ ပြောနေသလို ၄ ရက်ကြာ သစ်ပင်မှာချည်ထားတာ မဟုတ်ဘဲ ၄ နာရီကြာသာ ချည်ထားကြောင်း တာဝန်ကျရဲကို ပြောခဲ့ပါတယ်။

ရဲစခန်းက သူ့ကို တပါးသူအား နှိပ်စက်ညှဉ်းပန်းမှုနဲ့ အရေးယူသွားမှာဖြစ်ပြီး သူ့လုပ်ရပ်တွေကိုလည်း အစအဆုံး သရုပ်ပြ ပြန်လုပ်ခိုင်းမယ်လို့ TNEWS သတင်းမှာ ဖော်ပြပါတယ်။
DVB TV News

Facebook Comments

Comments are Closed

Powered by M.N.T

6K Shares
Share6K
Tweet
Share
Pin